கம்பைநல்லுார், தர்மபுரி மாவட்டம், கம்பைநல்லுார் அடுத்த மேஸ்திரிகொட்டாயை சேர்ந்தவர் வடிவேலன்,46. இவர், நேற்று முன்தினம் தோட்டத்தில் வேலை செய்து விட்டு வீட்டிற்கு வந்தார். அப்போது, வீட்டின் அருகில் இருந்த தரைப்பாலத்தில் பைக் இருந்தது. மேலும், வீட்டு கதவின் பூட்டு உடைக்கப்பட்டு இருந்தது. இதைக் கண்டு அதிர்ச்சியடைந்த வடிவேலனும், அவரது மகனும் உள்ளே சென்று பார்த்தனர். அப்போது, இரண்டு வாலிபர்கள் வீட்டில் பணத்தை திருடிக் கொண்டிருந்தனர்.