அதன்படி, வேலுார் லஞ்ச ஒழிப்பு டி.எஸ்.பி., சங்கர் தலைமையில், இன்ஸ்பெக்டர் மைதிலி மற்றும் போலீசார் நேற்று அதிகாலை, 3:00 மணிக்கு அங்கு சோதனை நடத்தி, ஆவணங்களை ஆய்வு செய்தனர். முடிவில் கணக்கில் வராத, 95,000 ரூபாய் இருப்பதை கண்டறிந்து பறிமுதல் செய்தனர்.

ஆந்திராவிலிருந்து வரும் லாரி உள்ளிட்ட வாகனங்கள் மற்றும் தமிழகத்தில் இருந்து செல்லும் வாகனங்களில் வட்டார போக்குவரத்து அலுவலகத்தினர் லஞ்சம் பெற்றது தெரியவந்தது. மேலும், லாரிகளில் விற்பனைக்கு கொண்டு செல்லப்பட்ட காய்கறிகள், பழங்கள் மற்றும் பூக்களையும் லஞ்சமாக வாங்கி வைத்திருந்தனர். அதையும் லஞ்ச ஒழிப்பு போலீசார் பறிமுதல் செய்தனர். மேலும், பணியில் இருந்த வட்டார போக்குவரத்து அலுவலர் மாதேஸ்வரனிடம் விசாரணை நடத்தி வருகின்றனர். அதிகாலை, 3:00 மணிக்கு தொடங்கிய சோதனை காலை, 7:-30 மணிக்கு முடிவடைந்தது.