சூரிய உதயம் ஏற்பட்டதும் 'ஆப்' செய்யவோ, சூரியன் மறைந்து இரவு துவங்கும் போது 'ஆன்' செய்யவோ யாரும் இருப்பதில்லை. அதோடு பல இடங்களில் தெருவிளக்குகள் அமைத்து அதற்குரிய தனி மின்ஒயர்களை இணைத்து ஒரு 'சுவிட்ச்' பெட்டி வைக்க வேண்டும் என்றால் மின்வாரியத்திற்கு ஊராட்சி சார்பில் பணம் செலுத்த வேண்டும். ஆனால் இதை செய்யாமல் பல இடங்களிலும் மின்கம்பங்களில் தெருவிளக்கு பல்புகளை தொங்கவிட்டு நேரடியாக மின்பாதையில் இணைத்துவிடுகின்றனர். மின்நிலையத்தில் சப்ளை நிறுத்தும்போது தவிர மற்ற எல்லா நேரங்களிலும் எரிந்து கொண்டே இருக்கும். இதனால் அதன் ஆயுள் காலம் விரைவாக முடிந்து, ஊராட்சிக்கு இழப்பு ஏற்படுகிறது. மின் சக்தியும் வீணாகிறது. நகர்புற உள்ளாட்சிகளின் ஊழியர் எண்ணிக்கையை ஒப்பிடுகையில் ஊராட்சிகளில் மிகவும் குறைவு என்பதால் தெருவிளக்குகளை ஆன் ஆப் செய்வதற்கு எந்த பணியாளரும் வருவதில்லை.

சில இடங்களில் வீடு அருகில் 'சுவிட்ச்' பெட்டி இருந்தாலும் அதை 'ஆன் ஆப்' செய்து முறையாக பயன்படுத்தாதவர்களும் இருக்கதான் செய்கின்றனர். ஒருபக்கம் மக்களின் தேவையை நிறைவேற்ற உள்ளாட்சி அமைப்பினர் கடமையை செய்ய அதை முறையாக பயன்படுத்த வழிகாட்டுதல் இல்லாமல் இவ்விஷயத்தில் மின்சாரமும், மின் உபகரணங்களின் செலவும் விரையமாகிறது. இதை தடுக்க விழிப்புணர்வு இயக்கத்தை அரசு நடத்த வேண்டும்.