திண்டுக்கல் மாவட்டம் வடமதுரையில் அவர் கூறியதாவது: ஊராட்சி செயலாளர் பணியிடங்கள் 1996ல் உருவாக்கப்பட்டு 28 ஆண்டுகள் கடந்துள்ளது. 7 ஆண்டுகளுக்கு முன்பு ஊராட்சி செயலாளர்கள் சிறப்புக் காலமுறை ஊதிய விகிதத்தில் இருந்து கால முறை ஊதிய விகிதத்திற்கு மாற்றப்பட்டனர். இது ஊராட்சி ஒன்றிய அலுவலகங்களில் பணியமர்த்தப்படும் பதிவு எழுத்தர் ஊதிய விகிதம். ஆனால் இதுவரை அரசுப் பணியாளர்களுக்கான எவ்வித சலுகைகளும் வழங்கப்படவில்லை. தமிழக அரசின் ஓய்வூதிய திட்டத்திலும் இணைக்கவில்லை.

எங்களின் மாநில அமைப்பு மூலம் ஊராட்சி செயலர்களை ஓய்வூதிய திட்டத்தில் இணைக்க வேண்டும் என்ற ஒற்றை கோரிக்கையை மையமாக வைத்து மாநில அளவிலான இரண்டு கட்ட போராட்ட நடவடிக்கையில் 2ம் கட்டமாக மாவட்ட தலைமை இடங்களில் இருந்து முதல்வர், ஊரக வளர்ச்சித்துறை அமைச்சர், கூடுதல் தலைமை செயலர், இயக்குநருக்கு இன்று (செப்.18) 40 ஆயிரம் கடிதங்களை அனுப்புகிறோம். இதை தொடர்ந்து தற்செயல் விடுப்பு எடுத்து செப்.27ல் சென்னை சைதாப்பேட்டை பனகல் மாளிகை முன்பு ஆர்ப்பாட்டம் நடத்த உள்ளோம் என்றார்.