கொடைக்கானல்:திருப்பூர் மாவட்டம் தாராபுரத்தை சேர்ந்தவர்கள் செந்தில்குமார், 44, நந்தகுமார், 30. நண்பர்களான இவர்கள் கான்ட்ராக்ட் பணி செய்தனர். இருவரும் காரில் கொடைக்கானல் சென்றுவிட்டு நேற்று முன்தினம் இரவு பழனி சாலை வழியாக ஊர் திரும்பினர். செந்தில்குமார் காரை ஓட்டினார். சவரிக்காடு 7வது வளைவில் வந்த போது கட்டுப்பாட்டை இழந்த கார் 300 அடி பள்ளத்தில் கவிழ்ந்தது. இதில் செந்தில்குமார் பலியானார். நந்தகுமார் பலத்த காயத்துடன் காருக்குள் இருந்தார்.