நத்தம் அருகே துவராபதியைச் சேர்ந்தவர் பாரதி 40. சேர்வீடு பகுதியில் செங்கல் சூளை நடத்தி வருகிறார்.

நேற்று முன்தினம் இரவு 11:30 மணிக்கு செங்கல் கால்வாய் மேல் உள்ள குடிசையில் தீப்பற்றியது.

நத்தம் தீயணைப்பு துறையினர் ஒருமணி நேரம் போராடி தீயை அணைத்தனர். 70 ஆயிரத்துக்கு மேற்பட்ட செங்கல்கள், குடிசை செட்டுகள், பொருட்கள் எரிந்தன. தீ விபத்திற்கான காரணம் குறித்து நத்தம் போலீசார் விசாரிக்கின்றனர்.