பழநி நகராட்சி கூட்டம் தலைவர் (தி.மு.க.,) உமாமகேஸ்வரி தலைமையில் நடந்தது. துணை த்தலைவர் (மா.கம்யூ.,) கந்தசாமி, கமிஷனர் லியோன், திட்ட அலுவலர் புவனேஸ்வரன், நகர்நல அலுவலர் மனோஜ் குமார் முன்னிலை வகித்தனர்.

கவுன்சிலர்கள் விவாதம்:

பத்மினிமுருகானந்தம் (காங்.,): ராஜாஜி சாலையில் வெளியூர் நபர்கள் கோயிலுக்கு கனரக வாகனங்களை செல்வதால் மார்க்கெட் ரோட்டில் போக்குவரத்து நெரிசல் ஏற்படுகிறது.

தலைவர்: விரைவில் நடவடிக்கை எடுக்கப்படும்.

தீனதயாளன் (தி.மு.க.,): தனியார் தொலைத்தொடர்பு நிறுவனம் டவர் அமைத்து வருவதற்கு அனுமதி வழங்கப்பட்டுள்ளது. நகராட்சி சார்பில் கட்டணங்கள் அதற்கு வசூலிக்கப்படுகிறதா

இளநிலை பொறியாளர்: மாவட்ட கலெக்டர் அலுவலகத்தில் இருந்து அனுமதி பெறப்பட்டு நகராட்சிக்கு பணம் கட்டி பணியை துவங்கி உள்ளனர்.

செபாஸ்டின் (தி.மு.க.,): தனியார் நிறுவனங்கள் நகராட்சி பகுதியில் டவர் அனுப்பும்போது அதற்கு வரி விதிக்க வேண்டும் .

காளீஸ்வரி (தி.மு.க.,): சண்முக நதி அருகே அமைக்கப்பட்டுள்ள மின் மயானம் திறப்பது எப்போது.

எங்கள் வார்டில் சாக்கடை, நாய் தொல்லை அதிகம் உள்ளது.

நகர திட்ட அலுவலர்: சண்முக நதி அருகே உள்ள மயானம் திறக்க அரசு தேதி அறிவிக்கும். நாய் தொல்லை குறித்து நடவடிக்கை எடுக்கப்படும்.

சாகுல் ஹமீது (தி.மு.க.,): கோடைகால நீர்த்தேக்கத்தில் தற்போது நீர் வறண்ட போது மீன்பிடித்து அசுத்தம் செய்கின்றனர். சரியான திட்டமிடல் இல்லாததால் சில பகுதிகளுக்கு தண்ணீர் பற்றாக்குறை ஏற்பட்டது.

கமிஷனர்: தற்போது கோடைகால நீர்த்தேக்கத்தில் கண்காணிப்பு தீவிர படுத்தப்பட்டுள்ளது .மீன்பிடி த்தல் நடைபெறாமல் தடுக்கப்படும்.

தீனதயாளன் (தி.மு.க.,): அடிவாரப் பகுதியில் வீடுகள் விடுதிகளாக செயல்படுகின்றன. அவற்றை கட்டுப்படுத்த வேண்டும்.

கமிஷனர்: உரிய நடவடிக்கை எடுக்கப்படும்.

செபாஸ்டியன் (தி.மு.க.,): திருவள்ளுவர் சாலையில் உள்ள உழவர் சந்தைக்கு செல்ல விடாமல் வெளி புறம் கடைக்காரர்கள் தடுக்கின்றனர்.

செபாஸ்டியர் (தி.மு.க.,): தெரு நாய் தொல்லைக்கு நாய்களுக்கு தடுப்பூசி போட வேண்டும்

நகர்நல அலுவலர் :தெரு நாய்களுக்கு கருத்தடை செய்யும் போது தடுப்பூசி போடப்படுகிறது.

சுரேஷ் (தி.மு.க.,): கீழ ரத வீதி நகராட்சி பள்ளி வகுப்பறைகள் சேரமடைந்துள்ளன.

இளநிலை பொறியாளர்: சரி செய்ய நடவடிக்கை எடுக்கப்படும்

சுரேஷ் (தி.மு.க.,): நகராட்சி பகுதிக்குள் மானியத்துடன் வீட்டு கட்டும் திட்டம் உள்ளதா. உழவர் சந்தை வரிவாக்கி 4 கோடியை வசூல் செய்ய நடவடிக்கை எடுக்கப்படுகிறதா

கமிஷனர்: குடிசை மாற்று வாரியத்தின் மூலம் வீடுகள் மானியத்துடன் கட்டலாம். உழவர் சந்தை வரியை வசூல் செய்ய கடிதம் எழுதப்பட்டுள்ளது.