பணிகள் முடிவுற்று முதல் கட்டமாக 2012ல் திண்டுக்கல் - பழநி இடையே ரயில் போக்குவரத்து தொடங்கியது. இதனைத் தொடர்ந்து 2014ல் பழநி பொள்ளாச்சி ரயில் பாதை பணிகள் முடிந்தது. இறுதி கட்டமாக பொள்ளாச்சி- போத்தனுார் மீட்டர் கேஜ் பாதை அகல பாதையாக மாற்றம் செய்யப்பட்டு 2017ல் போக்குவரத்து தொடங்கியது. இதனைத் தொடர்ந்து பாதையில் சில ரயில்கள் மட்டும் இயக்கப்படுகிறது. திண்டுக்கல்,ஒட்டன்சத்திரம், பழநி சுற்றியுள்ள கிராமப் பகுதியிலிருந்து நுாற்றுக்கணக்கான மக்கள் கோவை,மதுரைக்கு கல்வி, வேலை, பிற அலுவல் பணிக்காக செல்கின்றனர்.

மதுரையில் இருந்து கோவைக்கு ஒரு ரயிலும், திண்டுக்கல்- பாலக்காடு வழித்தடத்தில் 3 ரயில்களும் இயங்குகின்றன. அகல ரயில் பாதையில் இன்னும் கூடுதல் ரயில்களை இயக்க வேண்டும் என பயணிகள் பல நாட்களாக வலியுறுத்தி வருகின்றனர். ரயில்வே நிர்வாகம் இதன்மீது கவனம் செலுத்த வேண்டும்.