ஒட்டன்சத்திரம் பழநி ரோட்டில் காவிரி கூட்டுக் குடிநீர் குழாய் செல்கிறது. இந்தக் குழாய்களில் அழுத்தம் தாங்காமல் அடிக்கடி உடைப்பு ஏற்படுகிறது. இதை அவ்வப்போது சீரமைத்து வருகின்றனர். இந்நிலையில் கே .ஆர் .அரசு மேல்நிலைப்பள்ளி நுழைவுவாயில் முன்பு தார் ரோட்டின் கீழ் குழாய் உடைந்து தண்ணீர் வெளியேறி வருகிறது. வெளியேறும் தண்ணீர் நுழைவு வாயில் பகுதியில் சூழ்வதால் பள்ளி செல்லும் மாணவர்கள் நடந்து செல்வதில் சிரமம் ஏற்படுகிறது. தண்ணீர் பல நாட்கள் தேங்கியிருப்பதால் கொசுக்கள் உற்பத்தியாக நோய் அபாயத்துடன் , மாணவர்கள் வழுக்கி விழும் நிலை உள்ளது. உடைந்த குழாயை விரைந்து சீரமைக்க வேண்டும்.