சில நாட்களுக்கு முன் கொடைக்கானல் பகுதியில் இருவர், வடமதுரை பகுதிகளில் ஒருவருக்கு கொரோனா தொற்று ஏற்பட்டு மருத்துவமனையில் சிகிச்சை அளிக்கப்பட்டது. உடல்நலம் தேறிய நிலையில் குறிப்பிட்ட காலம் வீட்டில் தனிமைப்படுத்தப்பட்டனர். தற்போது இவர்கள் இயல்பு நிலைக்கு திரும்பினர்.

சிவகங்கை: சிவகங்கை அரசு மருத்துவமனைக்கு சிகிச்சைக்கு வந்த நபருக்கு கொரோனா தொற்று உறுதியானதால் வீட்டு தனிமையில் இருக்க டாக்டர்கள் அனுப்பி வைத்தனர். ஏற்கனவே நகராட்சி அதிகாரி, கர்ப்பிணி ஒருவருக்கு கொரோனா தொற்று இருந்தநிலையில், சுகாதாரத்துறையினர் கண்காணிப்பு பணியில் ஈடுபட்டுள்ளனர்.

திருநெல்வேலி:- திருநெல்வேலி மாவட்டத்தில் கிருஷ்ணாபுரம், சுத்தமல்லி, ரெட்டியார்பட்டி கிராமப் பகுதிகளில் 9 பேருக்கு கொரோனா பாதிப்பு தெரியவந்தது. இவர்களில் வீட்டு தனிமையில் இருந்த 7 பேர் குணமாகினர். தற்போது இரண்டு பேருக்கு பாதிப்பு உள்ளது எனவும், அவர்கள் மட்டும் வீடுகளில் தனித்து இருக்குமாறு தெரிவிக்கப்பட்டுள்ளதாகவும் சுகாதாரத் துறையினர் தெரிவித்தனர்.

திருநெல்வேலி அரசு மருத்துவக் கல்லூரி மருத்துவமனையில் கொரோனா நோயாளிகள் இல்லை என டீன் ரேவதி பாலன் தெரிவித்தார்.