திண்டுக்கல் பஸ் ஸ்டாண்டில் இரண்டு சாக்குமூடைகள், கருப்பு நிற பேக்கை வைத்துக்கொண்டு இளைஞர் நிற்பதை போலீசார் கவனித்தனர். விசாரணையில் அவர் திருநெல்வேலி மாவட்டம் பாளையங்கோட்டையை அடுத்த திம்மராஜபுரத்தை சேர்ந்த வியாபாரிஆறுமுகம் 25, என்பது தெரிந்தது.

சாக்குமூடையை சோதனை செய்ததில் தடை குட்கா, பான் மசாலா பொருட்கள் இருந்ததும், பெங்களுருவிலிருந்து கடத்திவந்தது தெரியவந்தது. 47.475 கிலோ குட்கா, பான் மசாலா பொருட்களை பறிமுதல் செய்த போலீசார் ஆறுமுகத்தை திண்டுக்கல் உணவு பாதுகாப்புத்துறை அதிகாரிகளிடம் ஒப்படைத்தனர்.