கொடைக்கானல் : கொடைக்கானலில் வாகன ஓட்டிகளை அச்சுறுத்தும் வகையில் காட்டுமாடு ரோட்டில் நடமாடியது. சுற்றுலா தலமான கொடைக்கானலுக்கு நாள்தோறும் ஏராளமான பயணிகள் வருகின்றனர். சமீபமாக வனப்பகுதியில் மேய்ச்சல் உணவுகள் இல்லாத நிலையில் நகரப் பகுதியில் உள்ள பசுமை புல்வெளி, தண்ணீரை தேடி காட்டு மாடுகள் நகரத்திற்குள் வரும் நிலை அதிகரித்துள்ளது. இவ்வாறான சூழலில் வனவிலங்கு, மனித மோதல் ஏற்பட்டு உயிர்பலி, காயம் உள்ளிட்ட அசாதாரண நிலை ஏற்படுகிறது. பெயரளவிற்கு வனத்துறை கண்காணிப்பு குழுக்களை நியமித்த போதும் பலனில்லை.