அன்னதான பூஜைக்காக 1500 கிலோ அரிசி, 100 கிலோ நிலக்கடலை பருப்பு, 150 கிலோ புளி, 300 லிட்டர் நல்லெண்ணெய் உள்ளிட்ட பொருட்களை பயன்படுத்தி புளியோதரை தயார் செய்யப்பட்டது.

பிரசாதம் பெற 2 ஆயிரத்திற்கு மேற்பட்ட பக்தர்கள் கோயில், பள்ளி வளாகம், வேல்வார்கோட்டை ரோடு பகுதியில் வரிசையாக அமர்ந்தனர்.

இவர்களுக்கு கோயில் நிர்வாகிகளும், இளைஞர்களும் இலை வழங்கி அன்னதான பூஜை முடிந்ததும் அனைவருக்கும் புளியோதரை வழங்கினர்.

பிரசாதம் அனைவருக்கும் சேர்ந்ததும் சரணம் அய்யப்பா கோஷத்துடன் பக்தர்கள் கலைந்தனர். ஏற்பாட்டினை கோயில் நிர்வாகிகள் நடராஜன், சுப்பையா, விழா குழுவினர் செய்தனர்.