72 அடி கொண்ட மருதாநதி அணையின் 10 நாட்களுக்கு முன்பு 69 அடியாக இருந்தது.

அணைக்கு சீரான நீர்வரத்து வந்த நிலையில் அணை 72 அடியை எட்டி நிரம்பியது . தற்போது அணைக்கு விநாடிக்கு 42 கன அடி வீதம் நீர் வருகிறது. அணை

இந்த அணை நீர் மூலமாக நிலக்கோட்டை, ஆத்தூர் தாலுகாக்களை சேர்ந்த 7 ஆயிரம் ஏக்கர் நிலங்கள் பாசன வசதி பெறுகின்றன.

மேலும் பட்டிவீரன்பட்டி, அய்யம்பாளையம், சேவுகம்பட்டி போன்ற 3 பேரூராட்சி, சித்தரேவு, அய்யன்கோட்டை, தேவரப்பன்பட்டி போன்ற 3 ஊராட்சிகளுக்கும் குடிநீர் வினியோகம் நடக்கிறது.

பொதுப்பணித் துறையினர் கூறுகையில்,'அணைக்கு வரும் 42 கன அடி நீர் பிரதான வாய்க்கால் வழியாக திறந்து விடப்பட்டுள்ளது. தொடர்ந்து மழை பெய்து நீர்வரத்து அதிகரித்தால் முதல் போக சாகுபடிக்கு தண்ணீர் திறந்து விடப்படும்' என்றனர்.