வத்தலக்குண்டு: அன்னை வேளாங்கண்ணி மெட்ரிக் மேல்நிலைப்பள்ளியில் நடந்த குழந்தைகள் தின விழாவில் நேரு வேடமிட்டு குழந்தைகள் வந்திருந்தனர். பள்ளி நுழைவுவாயிலில் போர் வேண்டாம் உலக அமைதி வேண்டும் என்று வாசகங்களுடன் பதாகைகளை ஏந்தி விழிப்புணர்வு ஏற்படுத்தினர். நேரு வேடமிட்ட குழந்தைகள் சமாதான புறா வடிவில் நின்று உலக அமைதியை வலியுறுத்தினர். பள்ளி முதல்வர் பால்ராஜ் தலைமை வகித்தார். உதவி தலைமை ஆசிரியர் சரஸ்வதி முன்னிலை வகித்தார். சகோதரி ரிஜிசா வரவேற்றார். ஒருங்கிணைப்பாளர் ஆசிரியர் இலக்கியா நன்றி கூறினார்.