திண்டுக்கல்: திண்டுக்கல் மாவட்ட கிரிக்கெட் சங்கம் சார்பில் கொடைக்கானல் பவான்ஸ் பள்ளியில் நடந்த பவான்ஸ் கோப்பைக்கான கிரிக்கெட் லீக் போட்டியில் கொடைக்கானல் ராயல் சி.சி.அணி வெற்றி பெற்றது. கொடைக்கானல் ராயல் சி.சி.அணி 20 ஓவரில் 6 விக்கெட் இழந்து 218ரன்கள் எடுத்தது. பிரதீப் 97ரன்கள் எடுத்தார். சேசிங் செய்த கொடைக்கானல்குருசடி மெத்து சி.சி., அணி 15.4 ஓவரில் 95 ரன்கள் மட்டுமே எடுத்து ஆல்அவுட்டானது. இனிகோராஜ் 35ரன்கள், யுவராஜா 3 விக்கெட் எடுத்தனர். கொடைக்கானல் லேக் பிரண்ட்ஸ் சி.சி., அணி 20 ஓவரில் 101 ரன்கள் எடுத்து ஆல்அவுட்டானது ரெனால்ட் பிரான்சிஸ் 66ரன்கள், சின்னசாமி 5 விக்கெட் எடுத்தனர். சேசிங் செய்த கொடைக்கானல் யூத் லெவன் சி.சி. அணி 20 ஓவரில் 9 விக்கெட் இழந்து 94ரன்கள் மட்டுமே எடுத்தது. சண்முகம் ஜோன்ஸ் 3 விக்கெட் எடுத்தார். கொடைக்கானல் ரைனோஸ் சி.சி. அணி 20 ஓவரில் 4 விக்கெட் இழந்து 133ரன்கள் எடுத்தது. நாகராஜ் 50, மணிமாறன் 63ரன்கள் எடுத்தனர். சேசிங் செய்த கொடைக்கானல் ராயல் சி.சி. அணி 13.3 ஓவரில் 4 விக்கெட் இழந்து 136ரன்கள் எடுத்து வென்றது. யுவராஜா 31, பிரதீப் 41 (நாட்அவுட்)ரன்கள், மணிகண்டன் 3 விக்கெட் எடுத்தனர்..