பிரஸித்தி வித்யோதயா கோப்பைக்கான 2 வது டிவிஷன் போட்டிகள் திண்டுக்கல் ஆர்.வி.எஸ்., கிரிக்கெட் மைதானத்தில் நடந்தது.

முதலில் நடந்த போட்டியில் ஒட்டன்சத்திரம் சாமுராய் கிரிக்கெட் கிளப் அணி பேட்டிங் செய்து 20 ஓவர்களில் 8 விக்கெட் இழப்பிற்கு 148 ரன்கள் எடுத்தது.

ஹரிஹரன் 90 ரன், சரவணக்குமார் 4 விக்கெட் எடுத்தார். தொடர்ந்து சேசிங் செய்த திண்டுக்கல் ஆர்.வி.எஸ்., ஸ்போர்ட்ஸ் கிளப் அணி 19.1 ஓவர்களில் 8 விக்கெட் இழந்து 151 ரன்கள் எடுத்து வெற்றி பெற்றது.

சூர்யா 43 ரன், அருண்குமார் 4 விக்கெட் எடுத்தார். மற்றொரு போட்டியில் நத்தம் என்.பி.ஆர்., குழுமம் அணி 23 ஓவர்களில் 6 விக்கெட் இழப்பிற்கு 191 ரன்கள் எடுத்தது. சுந்தரவேல் 88 ரன், ரமேஷ்குமார் 3 விக்கெட் எடுத்தார். தொடர்ந்து சேசிங் செய்த திண்டுக்கல் சாமியார் கிரிக்கெட் கிளப் அணி 19.4 ஓவர்களில் 115 ரன்களில் ஆல் ஆவுட் ஆகி தோல்வியை தழுவியது. எட்வின் அரசன் 51 (நாட்அவுட்), சல்மான்கான், விமல் தலா 3 விக்கெட் எடுத்தனர்.

ஓட்டல் பார்சன்ஸ் கோர்ட் கோப்பைக்கான 3 வது டிவிஷன் போட்டிகள் ரிச்மேன் மைதானத்தில் நடந்தது.

முதலில் நடந்த போட்டியில் திண்டுக்கல் சச்சின் கிரிக்கெட் கிளப் அணி பேட்டிங் செய்து 23.3 ஓவர்களில் 75 ரன்களுக்கு ஆல் அவுட் ஆனது. சிலம்பரசன், மருதுபாண்டியன் தலா 3 விக்கெட் எடுத்தனர்.

தொடர்ந்து சேசிங் செய்த வேடசந்துார் சீனிபாலா கிரிக்கெட் கிளப் அணி 14.3 ஓவர்களில் 3 விக்கெட் மட்டுமே இழந்து 75 ரன்கள் எடுத்து வெற்றி பெற்றது. மற்றொரு போட்டியில் முதலில் பேட்டிங் செய்த நிலக்கோட்டை வாரியர்ஸ் கிரிக்கெட் கிளப் அணி 20 ஓவர்களில் 8 விக்கெட் இழந்து 96 ரன்கள் எடுத்தது. அப்துல்லத்தீப் 39, உதயகனி 4 விக்கெட் எடுத்தார். தொடர்ந்து சேசிங் செய்த எரியோடு ஸ்கில் கிரிக்கெட் கிளப் அணி 18.3 ஓவர்களில் 73 ரன்களுக்கு ஆல் அவுட் ஆகி தோல்வியை தழுவியது. அருண்குமார் 4 விக்கெட் எடுத்தார்.