பி.எஸ்.என்.ஏ., கல்லுாரி மைதானத்தில் நடந்த மது ஸ்கேன்ஸ் அண்ட் ஸ்பெஷாலிட்டி லேப் கோப்பைக்கான 4 வது டிவிஷன் போட்டியில் முதலில் பேட்டிங் செய்த திண்டுக்கல் பி.எஸ்.என்.ஏ., பொறியியல் கல்லுாரி அணி 25 ஓவர்களில் 4 விக்கெட்டுகள் இழந்து 186 ரன்கள் எடுத்தது. சங்கர் 32, கமல்நாத் 85, ஆனந்தகுமார் 37 ரன்களும் எடுத்தனர். தொடர்ந்து சேசிங் செய்த திண்டுக்கல் ஆல்ரவுண்டர்ஸ் கிரிக்கெட் கிளப் அணி 25 ஓவர்களில் 9 விக்கெட்களை இழந்து 182 ரன்கள் எடுத்து தோல்வியை தழுவியது. வைரமுத்து 57, ஸ்ரீனிவாசன் 41 ரன்களும், கரண், சங்கர் ஆகியோர் தலா 3 விக்கெட்களையும் எடுத்தனர்.

* ரிச்மேன் கிரிக்கெட் மைதானத்தில் நடந்த மது ஸ்கேன்ஸ் அண்ட் ஸ்பெஷாலிட்டி லேப் கோப்பைக்கான 4 வது டிவிஷன் போட்டியில் முதலில் பேட்டிங் செய்த திண்டுக்கல் ஏஞ்சல் காஸ்டர்ஸ் கிரிக்கெட் கிளப் அணி 19.3 ஓவர்களில் அனைத்து விக்கெட்களையும் இழந்து 113 ரன்கள் எடுத்தது. சடைப்பாண்டி 31, வினோத்குமார் 31 ரன்களும், முகமது யாசின் 4 விக்கெட்களை எடுத்தனர். தொடர்ந்து சேசிங் செய்த திண்டுக்கல் ஸ்கை கிரிக்கெட் கிளப் 23.2 ஓவர்களில் அனைத்து விக்கெட்களையும் பறிகொடுத்து 89 ரன்கள் எடுத்து தோல்வியை தழுவியது.

கெஜதீஷ், சடைப்பாண்டி தலா 3 விக்கெட்கள் எடுத்தனர்.