பழநி:திண்டுக்கல் மாவட்டம் பழநி முருகன் கோவிலுக்கு, உலகம் முழுதுமிருந்து பக்தர்கள் அதிகளவில் வருகின்றனர். ஜன., 27, 2023ல் இக்கோவிலுக்கு கும்பாபிஷேகம் நடந்தது. இந்நிலையில், புனரமைக்கப்பட்ட ராஜ கோபுரத்தின் வலது புற சுதை சிற்பமான, யாழியின் பின்புறம் வளைவு உடைந்துள்ளது. கும்பாபிேஷகம் நடந்து ஒரு ஆண்டே ஆன நிலையில், சிற்பம் உடைந்துள்ளதைக் கண்ட பக்தர்கள் அதிர்ச்சியடைந்தனர். உடைந்த சுதை சிற்ப வளைவை, ராஜகோபுரம் மீதுள்ள இடிதாங்கி கீழே விழாமல் தாங்கிப் பிடித்துள்ளது.