காந்திகிராம பல்கலையின் இளநிலை பட்டப்படிப்புகளுக்கு 2024 முதல் கியூட் பொது நுழைவுத் தேர்வு மூலம் சேர்க்கை நடத்தப்பட்டு வருகிறது. இந்தாண்டு 23 முதுநிலை பட்டப்படிப்புகளுக்கும் கியூட் தேர்வுமூலம் சேர்க்கை நடத்தப்பட உள்ளது. பல்கலையின் அறிக்கையில், எம்.ஏ., எம்.எஸ்சி, எம்.டெக், எம்.சி.ஏ., எம்.பி.ஏ., பி.எட், எம்.எட், உள்ளிட்ட 23 முதுநிலை படிப்புகளுக்கு கியூட் தேர்வு மதிப்பெண் அடிப்படையில் சேர்க்கை நடைபெறும். http://cuet.nta.nic.in என்ற இணையதள முகவரியில் விண்ணப்பிக்கலாம்.

தகுதிகள், குறிப்பேடு உள்ளிட்ட தகவல்களை www.ruraluniv.ac.in என்ற பல்கலை இணையதளத்தில் இருந்து பெறலாம். பிப். 1 வரை விண்ணப்பிக்கலாம் என தெரிவிக்கப்பட்டு உள்ளது.