குறிப்பாக அரசு பஸ்கள் சுத்தம் இன்றி காணப்படுகிறது. பொதுமக்களும் தங்கள் பங்கிற்கு தின்பண்ட குப்பையை பஸ் உள்ளேயே போட்டு விட்டு செல்கின்றனர். இதனால் அரசு பஸ்கள் அசுத்தம் நிறைந்ததாக தோற்றமளிக்கிறது. புதிதாக வரும் பஸ்களும் தொடர் பராமரிப்பு இன்மையால் சிறிது நாட்களிலே பழைய பஸ் போல் ஆகிவிடுகிறது. பஸ்களின் உட்புறத்தை தினந்தோறும் கூட்டி சுத்தம் செய்வது கிடையாது. முதல் நாள் எந்த நிலையில் பஸ் நிறுத்தப்படுகிறதோ அதே நிலையில் மறுநாளும் இயக்கப்படுகிறது. இதனால் பயணிகள் மிகவும் அவதிக்கு உள்ளாகின்றனர். இத்துடன் காலாவதியான பஸ்கள் தொடர்ந்து இயக்கப்பட்டு வருவதால் பழுதாகி நடுரோட்டில் நின்று தள்ளு மாடல் வண்டியாக மாறி வருகின்றன.