இக்கிராமத்திற்கு பழநியில் உள்ள ஏஜன்சி மூலம் காஸ் வழங்கப்படுகிறது. பல சந்தாதாரர்களின் கார்டுகள், இடைத்தரகர்கள் வசம் உள்ளன. இவற்றைப் பயன்படுத்தி, சிலிண்டர்களை கூடுதல் விலைக்கு விற்கின்றனர். இக்கிராமத்தைச் சேர்ந்த தங்கவேலு கூறியது:சிலிண்டர்களை பழநியில் இருந்து இடைத்தரகர்கள் எடுத்து வருகின்றனர். வாகனங்களை இயக்க ஏஜன்சியினர் மறுக்கின்றனர். நான்கு மாதங்களாக, உரிய நேரத்தில் சிலிண்டர் கிடைக்கவில்லை, என்றார். இடைத்தரகர்களின் ஆதிக்கத்தை கட்டுப்படுத்தி, சிலிண்டர் முறைகேடாக விற்கப்படுவதை தடுக்க வேண்டும்.