முன்னாள் ஒன்றிய செயலாளர் முரளிதரன், அய்யம்பாளையம் நகர செயலாளர் தங்கராஜ் முன்னிலை வகித்தனர். பழநி எம்.எல்.ஏ., செந்தில்குமார், திண்டுக்கல் எம்.பி., சச்சிதானந்தம் துவக்கி வைத்தனர். பெரிய மாடு, நடு மாடு, பூஞ்சிட்டு பிரிவுகளில் பந்தயம் நடந்தது. பெரிய மாட்டுப் பிரிவிற்கு முதல் பரிசாக ரூ. 1 லட்சம், 2ம் பரிசாக ரூ. 70,000, 3ம் பரிசாக ரூ.50,000 வழங்கப்பட்டது. திண்டுக்கல், தேனி, மதுரை, திருச்சி, புதுக்கோட்டை, ராமநாதபுரம், சிவகங்கை உள்ளிட்ட பல மாவட்டங்களிலிருந்து போட்டியாளர்கள் பங்கேற்றனர்.

சிறந்த சாரதி, முதல் பரிசு வென்ற வண்டியின் உரிமையாளர்களுக்கு பரிசுகள் வழங்கப்பட்டது. நிலக்கோட்டை டி.எஸ்.பி., செந்தில்குமார், பட்டிவீரன்பட்டி இன்ஸ்பெக்டர் ரவீந்திரன் தலைமையில் போலீசார் பாதுகாப்பு பணியில் ஈடுபட்டிருந்தனர்.