பழநி சப் கலெக்டர் அலுவலகத்தில் பழநி வருவாய் கோட்ட விவசாயிகள் குறைதீர் கூட்டம் சப் கலெக்டர் கிஷன் குமார் தலைமையில் நடந்தது.

தாசில்தார்கள் பழனிச்சாமி சஞ்சய்,தமிழ்ச்செல்வி, பொதுப்பணித்துறை அதிகாரி உதயகுமார் பங்கேற்றனர்.

விவசாயிகள் விவாதம்:

மகுடீஸ்வரன், சின்ன கலையம்புத்துார்: நெய்க்காரப்பட்டி சின்ன கலையம்புத்துார் சாலையில் குறுக்கே உள்ள மின்சார கம்பத்தை அகற்ற வேண்டும். ஓடை புறம்போக்கு நிலத்தை தனியார் சிலர் பெயரில் பட்டா வழங்கப்பட்டு வருகிறது.

சப் கலெக்டர்: அதிகாரிகளுடன் கலந்தாலோசித்து நடவடிக்கை எடுக்கப்படும்.

மகுடீஸ்வரன், சின்னகலையம்புத்துார்: பச்சையாற்றின் குறுக்கே அணை அமைக்க வேண்டும்.

இதுபோல் ஆண்டிபட்டியில் தடுப்பணை கட்ட வேண்டும்.

பொதுப்பணித்துறை அதிகாரி: பச்சையாறு அணை கட்டுவது குறித்து ஆய்வு மேற்கொள்ளப்பட்டு அறிக்கை அளிக்கப்பட்டுள்ளது.

தடுப்பணை அமைப்பது குறித்து நடவடிக்கை எடுக்கப்படும் என்றார்.