விராலிபட்டியைச் சேர்ந்தவர் சேகர் 60. தோட்டத்தில் மக்காச்சோளம் பயிரிட்டு உள்ளார். நேற்று முன்தினம் நடவு செய்யப்பட்ட சர்க்கரை வள்ளி கிழங்கிற்கு, நேற்று காலை தண்ணீர் பாய்ச்சி கொண்டிருந்தார். அப்போது 3 அடி உயரமுள்ள கரடி அவரது தொடையை கவ்வி பிடித்து கீழே தள்ளியது. அந்த நேரத்தில் அவரது வளர்ப்பு நாய் குறைத்து கரடியுடன் சண்டையிட்டு துரத்தியதால் நாயும் காயமடைந்தது. காயமடைந்த சேகர் வத்தலக்குண்டு அரசு மருத்துவமனையில் சிகிச்சை பெறுகிறார்.

அவர் கூறுகையில்'' கடந்த 6 மாதங்களாகவே கரடி நடமாட்டம் இருப்பதாக வனத்துறைக்கு தகவல் கூறியும் நடவடிக்கை இல்லை. எனது நாய் இல்லை என்றால் நான் உயிரோடு இருந்திருக்க மாட்டேன். இனியாவது நடவடிக்கை எடுக்க வேண்டும்'' என்றார்.