பாளையம் அரவை ரோடு பிரிவில் முத்தம்பட்டியை சேர்ந்த கவுரிசங்கர் 35, சொந்தமான முருகன் எலக்ட்ரிக்கல்ஸ் கடை உள்ளது. நேற்று இரவு 7:30 மணிக்கு கடை உரிமையாளர் கடையை பூட்டி விட்டு சென்றுவிட்டார்.

இரவு 8:00 மணிக்கு புகை மூட்டம் வந்ததை தொடர்ந்து சிறிது நேரத்தில் தீ பற்றி எரிய தொடங்கியது. தீ வேகமாக எரிந்ததில் அனைத்து பொருட்களும் சேதமாயின.

குஜிலியம்பாறை தீயணைப்புத் துறையினர் இரவு 9:00 மணி வரை போராடி தீயை அணைத்தனர். குஜிலியம்பாறை போலீசார் விசாரிக்கின்றனர்.