ஆத்தூர் வேலக்கவுண்டன்பட்டியை சேர்ந்தவர் சஞ்சீவி. ஆதிலட்சுமிபுரத்தில் பழைய இரும்பு கடை நடத்தி வருகிறார்.

அருகே உள்ள குடோனில் பழைய இரும்பு, பிளாஸ்டிக், மரப்பொருட்கள் வைத்திருந்தார். நேற்று காலை 9:00 மணிக்கு கோடவுனில் தீப்பற்றியது.

மளமளவென பரவிய தீயால் பல அடி உயரத்திற்கு கரும்புகை எழுந்தது.

ஆத்தூர், திண்டுக்கல், நிலக்கோட்டை பகுதிகளில் இருந்து 3 தீயணைப்பு வாகனங்களில் வீரர்கள் வந்து இரண்டு மணி நேரம் போராடி தீயை அணைத்தனர்.

இதில் பொருட்கள் தீயில் கருகின. செம்பட்டி போலீசார் விசாரிக்கின்றனர்.