திண்டுக்கல் மாவட்டத்தில் நல்ல விலைக்கு விற்பனையான பூக்களின் விலை நேற்று சரிவை சந்தித்தது. தொடர் முகூர்த்த தினங்களையொட்டி ரூ. 1500 க்கு விற்ற மல்லிகை நேற்று ரூ.300 , ரூ.500 க்கு விற்ற முல்லை ரூ.150 க்கு விற்பனையானது.

இதேபோல் ஜாதிப்பூ ரூ.300, கனகாம்பரம் ரூ.200, அரளி ரூ.50, செண்டுமல்லி ரூ.30 என விற்பனையானது. தற்போது விஷேச தினங்களோ, கோயில் திருவிழாக்களோ இல்லை. அதனால் பூக்கள் விலை 3 முதல் 5 மடங்கு கடும் சரிவு ஏற்பட்டுள்ளது. அதே நேரத்தில் பூக்களின் வரத்தும் அதிகமாக உள்ளதாக வியாபாரிகள் தெரிவித்தனர்.