மாவட்டத்தில் ஒவ்வொரு வட்டாரத்திலும் ஆரம்ப சுகாதார நிலையங்கள் ,ஊராட்சிகளில் துணை சுகாதார நிலையங்கள், வட்டார, தாலுகா மருத்துவமனைகள் உள்ளன. இவற்றில் பெரும்பாலான மருத்துவர் பணியிடங்கள் காலியாகவே உள்ளதால் டாக்டர்கள் மாற்றுப் பணியிடங்களுக்கு தற்காலிகமாக பணிக்கு சென்று வருகின்றனர். வட்டார மருத்துவமனைகளில் இரவு நேர பணிக்கென டாக்டர்கள் நியமித்திருந்தும் பெரும்பாலான மருத்துவமனைகளில் இரவு பணியில் இருப்பதில்லை. பல நேரங்களில் இரவு காவலாளி , வாட்ச்மேன் ஆகியோர்தான் நோயாளிகளுக்கு முதலுதவி செய்து மாவட்ட மருத்துவமனைகளுக்கு அனுப்பி வைக்கின்றனர். இத்தகைய தவறான மருத்துவ சேவைகளால் பாதிக்கப்படுவது பொதுமக்களே.