திண்டுக்கல்லை சேர்ந்த சுபைதா பேகம் 77, ராஜாமுகமது 80, ஆகியோர்களுக்கு பாத்தியப்பட்ட வீட்டை திண்டுக்கல் மாநகர காங்., தலைவர் மணிகண்டன் கட்டுமான தொழில் செய்வதற்காக வாடகைக்கு பிடித்து ,வீட்டின் உரிமையாளர்களின் அனுமதியின்றி காங்., கட்சி அலுவலகமாக பயன்படுத்தினார்.

வாடகை தொகையை 5 ஆண்டுகளுக்கு மேலாக செலுத்தவில்லை. வீட்டின் உரிமையாளர்கள் நீதிமன்றத்தில் வழக்கு தொடர்ந்தனர். வீட்டை அதன் உரிமையாளரிடம் ஒப்படைக்கவும், வாடகை பாக்கி ரூ.8 லட்சம் கொடுக்கவும் உத்தரவு பிறப்பிக்கப்பட்டது. நீதிமன்ற உத்தரவிற்கு பிறகும் வீட்டை காலி செய்து உரிமையாளர்களிடம் ஒப்படைக்காததால் நீதிமன்ற ஊழியர்கள், கிராம நிர்வாக அலுவலர், வழக்கறிஞர்கள் பிரகாஷ், தனபால், நாசர் முகமது, மோகன், எட்வர்ட் ஜோசப் ஹில்லர், சிவக்குமார். சவரிராஜ் ஆகியோர் முன்னிலையில் வீடை வீட்டின் உரிமையாளர்களிடம் ஒப்படைத்தனர்.