திண்டுக்கல்லில் மாவட்ட நீதித்துறை சார்பில் நடந்த பாலின சமஉரிமை, சமத்துவம், பெண் முன்னேற்றம், பணியிடத்தில் பெண் பாதுகாப்பு, பாலியல் துன்புறுத்தலுக்கு எதிரான விழிப்புணர்வு நிகழ்ச்சியில் அவர் பேசியதாவது: பெண்ணுரிமை சமத்துவம் நாட்டிற்கு நாடு வேறுபட்டுக் காணப்படும். சமுதாயத்தில் ஆண், பெண் வேறுபாடு உள்ளது. பெண்கள் பணிபுரியும் இடங்களில் பாலியல் தொல்லைகளுக்கு ஆளாகின்றனர். இதுகுறித்து புகார் அளிக்க தயங்குகிறார்கள்.

பெண்களின் நிலைப்பற்றி பெற்றோர்கள் ஆண் பிள்ளைகளுக்கு எடுத்துரைத்து நல்ல முறையில் வளர்க்க வேண்டும். மக்களால் மக்களுக்காக உருவாக்கப்பட்டது இந்திய அரசியல் சட்டம். மக்களுக்குக்கும் சமுதாயத்தினை வழிநடத்தும் பொறுப்பு உள்ளது என்றார். முதன்மை மாவட்ட நீதிபதி முத்துசாரதா வரவேற்றார். போக்சோ நீதிபதி சத்தியதாரா, கலெக்டர் சரவணன், எஸ்.பி., பிரதீப், எஸ்.பி.,(ஓய்வு) கலியமூர்த்தி கலந்து கொண்டனர்.