நத்தம் அருகே ஒத்தினிப்பட்டி தெற்கிகாட்டு கருப்பசுவாமி கோயிலில் ஆடி படையல் விழா நடப்பது வழக்கம். அதன்படி இந்தாண்டுக்கான ஆடி படையல் திருவிழா நேற்று நடந்தது. இதையொட்டி சுவாமிக்கு அலங்காரம், அபிஷேகம், தீபாராதனை நடந்தது. பக்தர்கள் நேர்த்திக்கடனாக வழங்கிய 50-க்கும் மேற்பட்ட ஆடுகள் வெட்டப்பட்டு சுவாமிக்கு இரவு 7:00 மணிக்கு படையலிடப்பட்டது. 40 சிப்பம் அரிசியில் சாதம் தயாரித்து கறிக்குழம்புடன் அசைவ விருந்து நடந்தது. சுற்றியுள்ள கிராம ஆண்கள் கலந்து கொண்டனர். ஏற்பாடுகளை ஒத்தினிப்பட்டி, பஞ்சயம்பட்டி, லட்சுமணபுரம், ஒ.புதுார் கிராமத்தினர் செய்தனர்.