புதர் மண்டி இருத்தல், வேலை நடக்கிறது என பூட்டி வைத்தல், பராமரிப்பு, பாதுகாப்பின்மை போன்ற பல்வேறு காரணங்களால் பூங்காக்கள் செயல்படாமல் உள்ளன. பெரும்பாலான அம்மா பூங்காங்களும் பராமரிப்பின்றி கேட்பாரற்று உள்ளன. மாவட்டத்தில் 11 ஊராட்சிகளில் தலா ரூ.20 லட்சம் வீதம் ரூ.2 கோடியே 20 லட்சம் செலவில் அம்மா பூங்காக்கள் அமைக்கப்பட்டு வீணாகி உள்ளது.இது மட்டுமின்றி மாவட்டம் முழுவதும் ஏற்படுத்தப்பட்டுள்ள பூங்காக்களின் நிலமை படுமோசமாகத்தான் உள்ளது. இது ஒரு புறம் இருக்க மறுபுறம் மதுபான பார்கள் 24 மணி நேரமும் தங்கு தடையின்றி செயல்படுகின்றன. அரசு மதுபான பார்களுக்கு கொடுக்கும் முக்கியத்தை மக்களின் அத்தியாவசிய பயன்பாட்டிற்கு கொடுப்பதில்லை. பூங்காக்களை சீரமைத்து நவீன வசதிகளை ஏற்படுத்தி கட்டணம் வசூலித்தால் அரசுக்கு வருமானம் வரும் என்பதை உணர்ந்து உரிய நடவடிக்கை மேற்கொள்ள வேண்டும்.