பழநி சப் கலெக்டர் அலுவலகத்தில் கோட்ட அளவிலான விவசாயிகள் குறைதீர் கூட்டம் நடைபெற்றது. கலெக்டரின் நேர்முக உதவியாளர் லீலாவதி தலைமை வகித்தார். சப் கலெக்டர் உதவியாளர் முத்துசாமி, தாசில்தார் பிரசன்னா கலந்து கொண்டனர்.

விவசாயிகள் விவாதம்

ரங்கநாதன், மிடாபாடி: செடிகளில் வைரஸ் நோய் தாக்குதல் உள்ளது.

சப்கலெக்டர் உதவியாளர்: வேளாண் அதிகாரிகளின் ஆலோசனைகளை பின்பற்ற வேண்டும்.

பாரதி, ஆயக்குடி: பழநி வயல்வெளிகளில் மது பிரியர்கள் மது பாட்டில்களை உடைத்து செல்கின்றனர். இதனால் விவசாய பணியாளர்கள் பாதிக்கின்றனர்.

சப் கலெக்டர் உதவியாளர்: தகுந்த நடவடிக்கை எடுக்கப்படும்.

சக்திவேல், பெரியம்மாபட்டி: அரசு உபரிநிலங்களுக்கு விரைவில் பட்டா வழங்க வேண்டும். காட்டு விலங்குகள் பயிரை சேதம் செய்கிறது.

சப் கலெக்டர் உதவியாளர்: தகுந்த நடவடிக்கை எடுக்கப்படும்.

முருகேசன், பெரியம்மா பட்டி: மயானம் செல்லும் பாதையை சிலர் அடைத்துள்ளனர்.

சப்கலெக்டர் உதவியாளர்: உரிய நடவடிக்கை எடுக்கப்படும்.

இவ்வாறு விவாதம் நடைபெற்றது.