போட்டிகள் பார்வதீஸ் அனுகிரஹா மைதானத்தில் நடந்தன. திண்டுக்கல் பிரஸித்தி வித்யோதயா கால்பந்து அணிக்கு எதிரான போட்டியில் 4:0 என்ற கோல் கணக்கில் எம்.எஸ்.பி., சோலைநாடார் நினைவு பள்ளி வென்றது. வசந்த் 3, லோஷன் ஆகியோர் கோல் அடித்தனர். ஸ்ரீவாசவி மெட்ரிக் பள்ளிக்கு எதிரான போட்டியில் பார்வதீஸ் அனுகிரஹா பள்ளி அணி 3:2 என்ற கோல் கணக்கில் வென்றது. டுடோ 2, கவின்ஜெய் ஆகியோரும், வாசவி அணியில் பிராணேஷூம் கோல் அடித்தனர். ஸ்.பி.சி., அகாடமி கால்பந்து அணிக்கு எதிரான போட்டியில் எஸ்.எஸ்.எம்., அகாடமி அணி 5:0 என்ற கோல் கணக்கில் வென்றது. கபிலேஷ் 2, கவிஷ் 2, பிரட்லி கோல் அடித்தனர். எம்.எஸ்.பி., சோலைநாடார் பள்ளி அணிக்கு எதிரான போட்டியில் 2:1 என்ற கோல் கணக்கில் பார்வதீஸ் அனுகிரஹா அணி வென்றது. ருகன்ஜீ, டுடோ கோல் அடித்தனர்.

எம்.எஸ்.பி., அணியில் வசந்த் கோல் அடித்தார். எம்.எஸ்.பி.. சோலை நாடார் அணிக்கு எதிரான போட்டியில் ஸ்ரீவாசவி மெட்ரிக் பள்ளி அணி 3:0 என்ற கோல் கணக்கில் வென்றது. பிரனேஷ். தருண்சஞ்சய், சந்தோஷ் கோல் அடித்தனர். செயின்ட் மேரிஸ் பள்ளி கால்பந்து அணி மற்றும் ஸ்ரீகுருமுகி வித்யாஸ்ரமம் பள்ளி அணிக்குமிடையேயான போட்டி 1:1 என்ற கோல் கணக்கில் சமனில் முடிந்தது.

ஜோவின், காவியன் கோல் அடித்தனர். பண்ணை பப்ளிக் பள்ளி கால்பந்து அணிக்கு எதிரான போட்டியில் எஸ்.எஸ்.எம்., அகாடமி அணி 5:1 என்ற கோல் கணக்கில் வென்றது.

கபிலேஷ் 4, கவிஷ் மற்றும் பண்ணை அணியில் சாய்சிஷி கோல் அடித்தனர். அக்சுதா அகாடமி அணிக்கு எதிரான போட்டியில் 3:0 என்ற கோல் கணக்கில் எஸ்.எஸ்.எம்., அகாடமி அணி வென்றது. கபிலேஷ் 2, கவிஷ் ஆகியோர் கோல் அடித்தனர்.