காந்திகிராமம் : 'கலாச்சாரங்களை பிரதிபலிக்கும் துணி ஓவியங்கள் கற்றால் அதிக லாபம் ஈட்டலாம்', என காந்தி கிராம பல்கலை சார்பில் நடந்த துணி ஓவியப் பயிற்சியில் பங்கேற்ற நிபுணர் தெரிவித்தார். காந்தி கிராம பல்கலையின் மாற்றுத்திறன் மாணவர்களுக்கான உயர்கல்வி மையத்தின் சார்பில், துணிஓவிய பயிற்சி நடந்தது. துணைவேந்தர் நடராஜன் தலைமை வகித்தார். கிராமிய தொழில்துறை தலைவர் பேராசிரியர் ராதாகிருஷ்ணன், பேராசிரியர் சவுந்திரபாண்டியன், அரசியல் அறிவியல்துறை பேராசிரியர் பழனித்துரை, மாற்றுத்திறன் மேம்பாட்டு மைய ஒருங்கிணைப்பாளர் பேராசிரியர் டாக்டர் சாமுவேல் தவராஜ் முன்னிலை வகித்தனர்.இந்தியளவில் துணி ஓவியங்கள் அதிக வரவேற்பை பெற்றுள்ளன. அதில் புவிசார் குறியீடு கர்நாடகாவை சேர்ந்த 'பித்ரி' கலை ஓவியத்திற்கு வழங்கப்பட்டுள்ளது. அதுதவிர ஆந்திராவில் கலம்காரி, மத்திய பிரதேசத்தின் 'கோந்த்', பீகார் மாநில 'மதுபனி' துணி ஓவியங்கள் அதிக வரவேற்பை பெற்றுள்ளன. இவை 'பேப்ரிக் ஆர்ட்' (துணி ஓவியங்கள்) என அதிக புகழ்பெற்றுள்ளன.