பழநி முருகன் கோவில் நிர்வாகத்தின் கட்டுப்பாட்டில் உள்ள திருஆவினன்குடி கோவிலில் கொடுமுடி தீர்த்தக்காவடிக்கு புகழ் பெற்ற இத்திருவிழாவை முன்னிட்டு நேற்று முன்மண்டபத்தில் வள்ளி, தேவசேனா முத்துக்குமாரசுவாமி எழுந்தருளினார். காலை 11:00 மணிக்கு கொடியேற்றம் நடந்தது. திரண்டிருந்த பக்தர்கள் 'அரோகரா' கோஷங்களை எழுப்பி வழிபட்டனர்.

இதையடுத்து உச்சிக்கால பூஜையில் முருகன் கோவிலில் பங்குனி உத்திர திருவிழாவிற்காக சுவாமி களுக்கு காப்பு கட்டப்பட்டது. ஏப்., 9 முருகன் கோவிலில் தங்க ரத சுவாமி புறப்பாடு, விழா 6ம் நாளான ஏப்., 10 காலை கிரி வீதியில் பல்லாக்கில் சுவாமி புறப்பாடு நடக்கிறது.

திருக்கல்யாணம்: முக்கிய நிகழ்வாக ஏப்., 10 மாலை 5:30 மணிக்கு வள்ளி, தெய் வானை, முத்துக்குமாரசுவாமி திருக்கல்யாணம், இரவு 8:30 மணிக்கு வெள்ளி தேரோட்டம், ஏப்., 11 மதியம் 12:00 மணிக்கு சுவாமி திருத்தேரில் எழுந்தருள, மாலை 4:30 மணிக்கு பங்குனி உத்திர தேரோட்டம், ஏப்., 14 மாலை தெப்பத்தேரோட்டம் நடக்கிறது.