ஒட்டன்சத்திரம் மலைப்பகுதி கிராமங்களில் அவரைக்காய் அதிகமாக பயிரிடப்படுகிறது. காவேரியம்மாபட்டி, தங்கச்சியம்மாபட்டி, அரசப்பபிள்ளைபட்டி சுற்றிய கிராமங்களில் சுரைக்காய் அதிகமாக விளைவிக்கப்படுகிறது. சில நாட்களாக வரத்து அதிகமாக இருந்ததால் அவரைக்காய் ,சுரைக்காய் விலை சற்று குறைந்து கிலோ அவரைக்காய் ரூ.45 , சுரைக்காய் ரூ.8 க்கு விற்பனை ஆனது.

இந்நிலையில் அவ்வப்போது பெய்த மழை காரணமாக விளைச்சல் பாதிக்க வரத்து குறைந்தது .இதனால் சுரைக்காய் கிலோ ரூ.2 அதிகரித்து ரூ.10 , அவரைக்காய் ரூ. 5 அதிகரித்து ரூ. 50க்கு விற்பனையானது. இனி வரும் நாட்களில் மேலும் விலை அதிகரிக்க வாய்ப்பு உள்ளதாக வியாபாரிகள் தெரிவித்தனர்.