வடமதுரை; வடமதுரை ஒன்றியத்தில் ஹிந்து முன்னணி, ஹிந்து மக்கள் கட்சி, சிவசேனா, பா.ஜ., மற்றும் ஊர் மக்கள் சார்பிலும் ஆங்காங்கே சதுர்த்தி விழாவை முன்னிட்டு விநாயகர் சிலை பிரதிஷ்டை செய்து அன்றோ அல்லது ஒரிரு நாட்கள் கழித்து ஊர்வலமாக எடுத்து சென்று நீர்நிலைகளில் கரைப்பர். இதற்காக இடம் பிடிப்பதில் போட்டா போட்டி ஏற்படும் நிலையில் வடமதுரை பகுதியில் ஹிந்து மக்கள் கட்சி சார்பில் 23 இடங்களில் சதுர்த்தி விழாவிற்காக இந்தாண்டு ஒருநாள் முன்னதாக நேற்றே சிலைகள் பிரதிஷ்டை செய்யப்பட்டன.