அங்கிருந்து திருச்சி ரோட்டிற்கு வருவோரும், இந்த ரோட்டை பயன்படுத்துகின்றனர். ஜி.டி.என்., ரோட்டில் பழனி மார்க்கமாக செல்லும் ரயில்கள் செல்வதால், ரோட்டின் குறுக்கே ரயில்வே கேட் உள்ளது. இந்த ரோட்டில், இரண்டு பள்ளிகள் செயல்படுகின்றன.

நேற்று காலை, 9:30 மணி முதல் ரயில்வே நிர்வாகம் சார்பில், ரயில்வே கேட் தண்டவாள பகுதியில் முன்னறிவிப்பில்லாமல், பராமரிப்பு பணியை துவங்கினர்.

இந்த பணி மாலை 5:00 மணி வரை, 8 மணி நேரம் தொடர்ந்தது. இதனால், ஜி.டி.என்.,ரோட்டை பயன்படுத்தும் மாணவர்கள், வாகன ஓட்டிகள் அவதிக்குள்ளாயினர்.

ரயில்வே நிர்வாகம் முன்னறிவிப்பின்றி, ரயில்வே கேட்டை மூடி பணிகள் செய்வதை தவிர்க்க வேண்டும் என, பொதுமக்கள் வலியுறுத்தினர்.

ரயில்வே பொறியாளர் ரகுமான் கூறியதாவது:

ரயில்வே கேட்டில் பணி செய்ய போகிறோம் என, நேற்று முன்தினமே, திண்டுக்கல் வடக்கு போலீஸ் ஸ்டேஷன், ஜி.டி.என்., ரோட்டில் உள்ள தனியார் பள்ளிகளுக்கு கடிதம் கொடுத்து, தகவல் தெரிவித்து விட்டோம்.

இவ்வாறு அவர் கூறினார்.