தமிழக காவல் துறையில் எஸ்.ஐ., பணியிடங்கள் நிரப்பப்பட உள்ளன. இதற்கான எழுத்துத்தேர்வு தமிழக சீருடை பணியாளர் தேர்வாணையம் சார்பில் டிச.21 நடக்கிறது. திண்டுக்கல் மாவட்டத்தில் 4011 ஆண்கள், 1157 பெண்கள் என 5168 பேர் எழுத உள்ளனர். இதற்காக 3 கல்லுாரிகள் தேர்வு மையங்களாக தேர்வு செய்யப்பட்டுள்ளது. ஜி.டி.என்., கலைக்கல்லுாரியில் 1800, எஸ்.எஸ்.எம்., பொறியியல் கல்லுாரியில் 2000, பி.எஸ்.என்.ஏ., பொறியியல் கல்லுாரியில் 1157 பெண்கள் உட்பட 1360 பேர் தேர்வு எழுதுகின்றனர். 2 தாள்களாக தேர்வு நடக்க உள்ளது. முதல் தாள் காலை 10:00 மணி முதல் மதியம் 12:30 மணி , 2ம் தாள் மதியம் 2:30 மணி முதல் மாலை 5:00 மணி வரை நடக்கிறது. தேர்வு எழுதுபவர்கள் காலை 8:30 மணி முதல் தேர்வு மையத்துக்குள் அனுமதிக்கப் படுவார்கள். முறைகேடுகளை தடுக்க 20 தேர்வர்களுக்கு ஒரு மேற்பார்வையாளர் நியமிக்கப்பட்டு உள்ளனர்.