பழநியில் நகராட்சி கமிஷனர் டிட்டோ துவங்கி வைத்தார். வாக்காளர் பட்டியலில் பெயர் சேர்ப்பது, திருத்தத்தின் அவசியம் ஆகியவை குறித்து உறுதிமொழி ஏற்கப்பட்டது. பழநி பஸ் ஸ்டாண்ட், மயில் ரவுண்டானா முதல் பாளையம் ரோடு வழியாக தேவர் சிலை வரை மனித சங்கிலி அமைக்கப்பட்டது.

துணை தாசில்தார் மைதிலி, நகர் நல அலுவலர் அரவிந்த் கிருஷ்ணன், வருவாய் அலுவலர்கள், நகராட்சி அலுவலர்கள், தனியார் செவிலியர் கல்லூரி மாணவிகள் கலந்து கொண்டனர்.

சின்னாளபட்டியில் பேரூராட்சி செயல் அலுவலர் இளவரசி தலைமை வகித்தார். ஆத்தூர் தாசில்தார் முத்து முருகன் மனிதசங்கிலி ஊர்வலத்தை துவக்கி வைத்தார். துப்புரவு அலுவலர் மணிகண்டன், எழுத்தர் ராமமூர்த்தி உள்பட பலர் பங்கேற்றனர்.