மேற்கு தொடர்ச்சி மலைப்பகுதிகளில் பெஞ்சல் புயலால் சில நாட்களாக தொடர் சாரல் மழை பெய்தது. புயல் கரையை கடந்த நிலையில் கொடைக்கானல் மலைப்பகுதியில் சூறைக்காற்று வீசி வருகிறது. நேற்று காலை வெயில் முகம் பளிச்சிட்ட நிலையில் மதியம் 12:00 மணிக்கு நகரை அடர் பனிமூட்டம் சூழ்ந்தது.

எதிரே வரும் வாகனங்கள் தெரியாத நிலையில் வாகனங்கள் முகப்பு விளக்கை எரிய விட்டு சென்றன. மதியம் 3:00 மணி வரை பனிச்சாரல் நீடித்தது. மாலையில் வானம் தெளிவானது. இருந்த போதும் காற்றில் ஈரப்பதம் அதிகரித்து குளிர் நிலவியது. தெளிவற்ற வானிலையால் சுற்றுலா பயணிகள் வருகை குறைவாக இருந்தது.