அரசு பள்ளிகளில் 1 முதல் 8 ம் வகுப்பு வரை படிக்கும் மாணவர்களுக்கு இலவச பாடப் புத்தகங்கள், நோட்டுகள், பேக், சீருடை, காலணி , பென்சில் என 14 வகையான பொருட்களை அரசு வழங்கி வருகிறது. நடப்பு கல்வி ஆண்டில் ஜூன் 10ல் பள்ளிகள் திறக்கப்பட்ட நிலையில் பாடப் புத்தகம் ,நோட்டுகள் மட்டுமே வழங்கப்பட்டன. தற்போது ஒரு மாதம் முடிந்து ஜூலை 13 ஆன நிலையில் மாணவர்களுக்கு தேவையான சீருடை, புத்தகப்பை, காலணி என எதுவும் வழங்கவில்லை. 1 முதல் 5 வரை துவக்கப் பள்ளிகளில் படித்துவிட்டு நடுநிலைப் பள்ளிக்கு 6 ம் வகுப்பு செல்லும் மாணவர்களுக்கு சீருடை வழங்காததால் கலர் டிரஸ் அணிந்து பள்ளிகளுக்கு செல்கின்றனர்.