ரூ. பல லட்சம் செலவில் கட்டமைப்புகள் ஏற்படுத்தப்பட்ட இடங்களில் அவற்றை பராமரித்தலில் அலட்சியம் வழக்கமாகி விட்டது. பெரும்பாலான அரசு அலுவலகங்களுக்கு பல்வேறு பணிகளுக்காக வரும் பொதுமக்கள் வெகுநேரம் காத்திருக்க வேண்டிய நிலை வாடிக்கையாகிவிட்டது. இச்சூழலில் பாதுகாப்பான குடிநீர், இயற்கை உபாதைகளுக்கான சுகாதாரமான கழிப்பறை, இருக்கை வசதியுடன் காற்றோட்டமான காத்திருப்பு அறை போன்ற வசதிகள் கிடைப்பதில்லை. ஆண்கள், கைக்குழந்தைகளுடன் வரும் மகளிர், கர்ப்பிணிகள் முதியோர் என அனைத்து தரப்பினருக்கும் இதே நிலை தான்.

அரசு மருத்துவமனைகள், ஆரம்ப சுகாதார நிலையங்கள், கிராம சந்தைகள், பஸ் ஸ்டாண்ட்கள் போன்ற பொது இடங்களிலும், சுகாதாரமற்ற சூழலுக்கு குறைவு இல்லை. பஸ் ஸ்டாண்ட்களில் கழிப்பறை வசதிக்காக பயணிகள் அவதிக்குள்ளாகும் அவலம் தொடர்கிறது. சில இடங்களில் கழிப்பறையை பூட்டி வைத்துள்ளனர். மாற்றுத்திறனாளி கழிப்பறையும், பராமரிப்பு, தண்ணீர் வசதின்றி பயன்படுத்த முடியாத நிலையில் உள்ளன. கழிவுநீர் வெளியேற வழியின்றி கழிவுகள் தேங்கி துர்நாற்றத்துடன் சுகாதாரக்கேட்டை ஏற்படுத்துகின்றன.

தொற்று பாதித்த நாய்களால் பலர் பாதிப்படைகின்றனர். பொதுமக்களுக்ன அடிப்படை வசதிகள் ஏற்படுத்துவதில் அதிகாரிகள் அலட்சியம் வகையில் மாவட்ட நிர்வாகம் நடவடிக்கைகளை முடுக்கி விட வேண்டும்.