இதில் அத்தாணி காலனியை சேர்ந்த குருசாமி, 38, என்பது தெரிந்தது. இவருக்கு திருமணமாகி மனைவி, ஒரு மகள், மகன் உள்ளனர். மீன் பிடித்து விற்பனை செய்து வந்துள்ளார். நீச்சல் தெரியாத நிலையில், தண்ணீர்பள்ளம் ஏரியில் இரவில் மீன் பிடிக்க செல்வாராம். இதன்படி கடந்த, ௨௨ம் தேதி இரவு சென்-றவர் ஏரியில் மூழ்கி பலியாகி விட்டார். இடுப்பில் தெர்மாகோல் அட்டையை கட்டிக்கொண்டு மீன் பிடித்துள்ளார். ஆனால், ஏரியில் விரிக்கப்பட்டிருந்த வலையில் எதிர்பாராதவிதமாக சிக்கி தண்ணீரில் விழுந்துள்ளார். அப்போது போதையில் இருந்ததால், தண்ணீரில் மூழ்கி பலியாகி விட்டதும், போலீஸ் விசாரணையில் தெரிய வந்தது. குருசாமி பலியானதன் மூலம், வனப்பகுதி ஏரியில் திருட்டுத்தனமாக மீன் பிடித்து பலர் தொழில் செய்வது தெரிய வந்துள்ளது. வனத்துறையினருக்கு தெரியாமல் இது நடப்-பது சாத்தியமில்லை. ஏரியில் மீன் பிடித்தலில் ஈடுபடுவோரை கைது செய்ய வேண்டும். உடந்தையாக இருந்த வனத்துறையினர் மீதும் நடவடிக்கை எடுக்க, அப்பகுதி மக்கள் கோரிக்கை விடுத்-துள்ளனர்.