அந்தியூர்: பர்கூர் வனப்பகுதி அடிவாரத்தில், எண்ணமங்கலம் அருகே செலம்பூர் அம்மன் கோவில் - செக்போஸ்ட் சாலையில் தரைப்பாலம் உள்ளது. இரண்டு ஆண்டுகளுக்கு முன் விரிசல் ஏற்பட்ட நிலையில், இரண்டு நாட்களுக்கு முன் பெய்த மழையால், தரைப்பாலம் முற்றிலும் தண்ணீரில் அடித்து செல்லப்பட்டது. இதனால் எண்ணமங்கலம் பகுதி மக்கள், குரும்பபாளையம் மேடு அரசு பள்ளி வழியாக, ௩ கி.மீ., துாரம் சுற்றி செல்லும் நிலை ஏற்பட்டுள்ளது.