தனியார் மற்றும் சுய நிதி பள்ளிகளில் பயிலும் 6, 7 வயது குழந்தைகளுக்கும், 16,17 வயது குழந்தைகளுக்கும் இலவசமாக இச்சேவை வழங்கப்படுகிறது. 8 முதல் 15 வயதுடைய குழந்தைகளுக்கு புதுப்பித்தல் மேற்கொள்ள இந்திய தனித்துவ அடையாள ஆணையம் நிர்ணயித்துள்ள கட்டணத்தை செலுத்தி சேவையை பெறலாம். அனைத்து அரசு, அரசு நிதியுதவி, தனியார் பள்ளி மாணவ,மாணவிகள் அப்பள்ளி வளாகத்திலேயே வங்கி கணக்கு தொடங்கும் பணியும் நேற்று நடந்தது. இந்நிகழ்ச்சியில் மேயர் நாகரத்தினம், தி.மு.க., மாநகர செயலாளர் சுப்பிரமணியம், முதன்மை கல்வி அலுவலர் சம்பத்து, தலைமை ஆசிரியை சுகந்தி பங்கேற்றனர்.