சத்தியமங்கலம்;கடம்பூர் வனச்சரகத்துக்கு உட்பட்ட குரும்பூர் மலை கிராமத்தில், குரும்பூரில் சாலையை ஒட்டியுள்ள விவசாய நிலத்தில், ௨௫ வயதான பெண் யானை, நேற்று காலை மயங்கிய நிலையில் கிடந்தது. இதைப்பார்த்த அப்பகுதி மக்கள் கடம்பூர் வனத்துறையினருக்கு தகவல் தந்தனர்.வன கால்நடை மருத்துவர் சதாசிவம் தலைமையிலான மருத்துவ குழுவினருடன் வனத்துறையினர் சென்றனர். யானைக்கு குளுக்கோஸ் ஏற்றி, தண்ணீர் கொடுத்து முதலுதவி சிகிச்சை அளித்தனர்.