ஈரோடு, பெரிய சேமூர் சுப்பிரமணிய நகர் 3வது வீதியை சேர்ந்த கதிரேசன் மகன் மதன் குமார், 27, ஆட்டோ டிரைவர், திருமணமானவர். இந்நிலையில் ஈரோட்டை சேர்ந்த, 11, 8 வயது சிறுமிகளுக்கு இவர் பாலியல் ரீதியாக தொந்தரவு செய்துள்ளார்.

இதுகுறித்து, சிறுமிகளின் பெற்றோர் ஈரோடு அனைத்து மகளிர் போலீஸ் ஸ்டேஷனில் புகார் அளித்தனர். விசாரணை நடத்திய போலீசார், போக்சோ பிரிவின் கீழ் வழக்குப்பதிந்து மதன்குமாரை கைது செய்தனர். பின்னர் நீதிமன்ற உத்தரவுப்படி, கோபியில் உள்ள மாவட்ட சிறையில் அடைத்தனர்.